今日又係去濕地公園義工 Training 既日子，依舊天氣酷熱曬到燶！
今次睇蜻蜓蝴蝶，揀幾張靚相放上黎分享下先：
﹝依舊要多謝 Man Man 身水身汗地替牠們拍照﹞
先睇睇蝴蝶，因為佢地實在飛得太快，好多相都影得唔靚，睇住呢幾張先~
黃斑粉蝶，o係塊葉中間細細隻果隻，佢實在匿得太埋：
呢隻梨花遷粉蝶就好d啦：
呢隻好似係弄蝶，唔記得左叫咩名：
蜻蜓既相就多d，Man Man 果然好鍾意蜻蜓~
曉褐蜻，呢隻係男仔，桃紅色好搶眼﹝蜻蜓界裡面男仔係靚過女仔既﹞：
黃翅蜻，呢隻咁sharp既又係男仔：
快要訪花﹝採花蜜﹞果樣...
赤褐灰蜻，個身兩截色：
截斑脈蜻，望落去都幾靚：
褐斑異痣蟌，男仔翅上有黑白兩色﹝蟌即係豆娘，Size一般比蜻蜓細﹞：
錐腹蜻，腹部較肥，呢隻係女仔：
呢種應該係打風前夕成日見到一大群果d黃蜻勒：
呢種...唔記得叫咩名添...其實都幾靚~~
唔知幾時有雀仔睇呢~好想近距離睇下小白鷺...
