今日重陽節，人們去登高掃墓既時候，我地去左屏山文物徑懷舊一番~

估唔到班o靚仔除左鍾意影車之外，對呢d歷史野都有d興趣，哈哈~ 可能係西輕鐵沿線卦，不過只係途經左幾個景點！

講下d背景先：屏山文物徑係古物古蹟辦事處於1993年12月12日正式開幕既首條文物徑，好多鬼佬都慕名參觀架！

新界五大族之一既鄧氏家族其中一支早於12世紀定居於屏山，好多具特色既建築到依家都成為了古蹟。

第一站：觀廷書室

坐落於坑尾村，係鄧氏家族既物業，1870年落成，具教育同祭祀既功用，富裕既鄧家子弟就在此苦讀考科舉。

第二站：鄧氏宗祠

故名思義係鄧氏家族既祠堂，大小祭祀均在此進行，已有700多年歷史，祠堂建築精美，樑上刻有各式各樣吉祥圖案。

第三站：愈喬二公祠

坐立於鄧氏宗祠旁邊，除作祠堂之用外，亦曾經係屏山各村子弟讀書既地方。

第四站：楊候古廟

由鄧氏宗祠往北行約五分鐘，即可見到古廟踪影。楊候古廟為元朗六間供奉候王既廟宇之一，有數百年歷史。

據聞以前村民認為候王﹝即宋末忠臣楊亮節﹞因保護宋帝而捐軀，後人為紀念而建候王廟加以供奉。

楊候古廟設計簡單，有三個區間分別供奉候王、土地和金花娘娘。

楊王古廟外豎立一大堆觀音像，氣派宏偉。

第五站：上璋圍

上璋圍由屏山鄧氏族人分支所建立，有200多年歷史，係文物徑沿線既唯一一條圍村，由青磚堆砌的圍牆是其特色。

第六站﹝尾站﹞：聚星樓

這個聳立於西鐵天水圍站旁既文物係本港現存唯一既古塔，已有超過六百年歷史。

至於古塔既來源，有傳係為改善風水而建，聚星樓面對后海灣，可用以擋北煞、鎮水災。

在風水學上看，聚星樓位置和青山風水遙相配合，亦保祐了家族子弟。

聚星樓以青磚砌成，共分三層，呈六角形，外形獨特，於2001年12月14日正式被列為法定古蹟。

同場加映：招財大貓 VS 天水圍西鐵站

正當大家步行返回西鐵站之際，不遠處豎立著一隻巨型招財貓，招財的左手正面向著西鐵站，是否有從西鐵站招財之嫌？

原來這隻招財貓是西鐵站旁邊某燒烤場既“鎮場之寶”，燒烤場門外亦放了兩隻...