黎緊五月八號係母親節，但果日阿妹要返工，我地今日提早慶祝，請佢地兩個老人家去譚魚頭火鍋食大餐~

小小地黎個前菜先...紅蘿蔔 + 燈籠椒 + 蕎頭，酸酸地辣辣地好開胃，顏色又 sharp...

飲碗湯先 -- 第一道菜：鮮人蔘糯米燉烏雞，睇下d湯幾清，一d油都無o架！入口甘甘地，滲出陣陣人蔘香味同雞既鮮味，正！

煲到甩晒皮既烏雞！證明夠晒火喉...﹝不要少看牠，d雞肉仲好滑呢~﹞

嘩~~~ 睇o下d人蔘...夠晒補身...

第二道菜：蒜片炒時蔬，幾鬼翠綠，淨係賣相已經夠吸引，起碼食落口唔似普通酒樓d "油菜" 咁成口都係油...

第三道菜：金翡翠桂珊瑚 -- 珊瑚蚌、魷魚配牛油果，較濃味既海鮮配清淡既牛油果，入口不油不膩，沒有飽滯的感覺...

第四道菜：三色涼鹵拼盆 -- 辣椒汁八爪魚仔、芝麻海蜇配燻鴨胸，配搭新奇，卻出奇地好味~﹝想不到可在川菜酒家吃鴨胸﹞

第五道菜：芝士焗龍蝦伊麵底 -- 芝士味夠濃，同時加上椰汁，有陣陣椰汁香，又無淨芝士咁飽滯，龍蝦都幾多肉，回味無窮~~

第六道菜：清蒸海石斑 -- 夠大條亦新鮮，火喉夠魚肉嫩滑，點上蒸魚豉油可謂錦上添花！

第七道菜：敬母大桃飽 -- 即係壽飽，但無想過可以咁大個，麻蓉餡，飽皮略嫌稍甜，賣相搭夠~ 吃了簡直甜入心~~~

附加甜品：專登叫俾媽子既原個椰皇燉燕窩，睇見都流口水....

嘩...幾多燕窩...媽子話滑到好似豆腐花咁，夾著燕窩又有咬口，佢讚不絕口呢！

第八道菜 -- 甜品：鮮奶椰汁糕，爽滑既糕面滲著椰汁的香味，連唔多食甜品既老豆都話好味~~~

豐富既一餐就在歡樂笑聲中結束，套餐連茶芥加一總消費八百多元，物有所值！