今日，復活節首日，雖知過關會好多人，但大家約好左今日上廣州 Shopping 食好野，出發咯~~~~

一行三人朝早九點抵達上水火車站，踏入往羅湖方向既月台，旋即聽到不斷重複既廣播：

「乘客請留意，下一班前往羅湖既列車，第一至第九卡已經全部爆滿！乘客請前往月台較後既位置候車...」

woo... 盛況空前，等左五分鐘左右終於有班車到，當然係上唔到啦，月台職員呼籲乘客唔好夾硬上車，下班車會o係兩分鐘後到達...

目送全車爆滿既列車離開後，跟住尾既竟然係直通車 Ktt！

差唔多啦，0825紅磡開 0900黎到上水，因為咁多人企出左黃線，Ktt為安全計被迫 "碌車"慢駛，俾我影左佢大頭相！

﹝睇下d 心急既乘客企晒響黃線出面等緊下班羅湖車...﹞

再下班車終於迫到上車，過關人潮未如想像般多，只須約十五分鐘順利通過中港兩邊關口抵達深圳~~

一行三人往廣深鐵路售票處買火車票，1012分開那班已全部爆滿，之後一班亦只得企位，結果買了再之後 1045那一班...

這班是準高速雙層車，綠色邊車卡那一種，哈哈~ 我上了咁多次廣州還是第一趟坐雙層車呢~~

經過一個小時多的車程，差不多十二點順利抵達廣州東站，我帶佢地搭地鐵食好野！

豐富既午餐黎啦，無人估到三個人可以食得晒咁多野：

鮮百合西芹炒花姿片：

蒜香牛柳粒：

煎焗清遠雞，望落去似炸雞一樣﹝影得唔係咁靚添~﹞：

又叫了個干蒸燒賣：

上湯小籠包，這個蠻不錯喔！一籠三隻，一人一隻剛剛好~~

還有小吃 ---- 涼拌海蜇，很開胃呢~~

品嘗過美味既午餐之後，搭地鐵往上下九路，正式展開廣州購物之旅~~

上下九路步行街又長又多鋪，貨品琳郎滿目，嘩~ 佢地又買衫又買鞋樣樣都睇一輪！

我對國內時裝無乜大興趣，反而買左兩件香港少見既精品，睇下我 d "戰利品"：

骰仔煙灰盅，雖然我唔食煙，但覺得幾得意，諗住拎返公司用黎裝萬字夾：

同埋呢個  ----  貓仔釣魚咭片夾，幾過癮~~~

上面粒骰仔十五蚊人民幣乍，貓仔釣魚都只係廿蚊，o係香港只在朗豪坊見過類似既精品，但賣成五六十蚊！

行到腳仔軟去左間甜品店食雙皮奶，人民幣兩蚊碗，冷熱同價，入口香濃幼滑，抵食！

轉眼已是黃昏時分，原本計劃去既歐陸風情街同珠江夜遊都話唔去啦喎~~

去左 KFC 食少少野歇歇先，諗住再戰北京路！

廣州 KFC 既葡撻，同香港一樣咁有水準喎...四蚊隻廿蚊六隻，轉眼間已被 "偷去" 兩隻！

夜晚八點幾大家拎住大袋小袋戰利品去食晚飯，北京路除左 Pizza Hut 似乎無咩岩食，穩陣 d都係搭地鐵返廣州東站食~~

中菜晏晝食完，Pizza Hut 又話熱氣，西餐又話食得多唔想食，結果返左東站，去隔離果個商場食日本野！

壽司同魚生大家都唔敢叫，叫左兩個定食同一個 Soba﹝冷麵﹞，呢間野好有水準，下次會再黎幫襯！

豚肉生薑燒定食，跟麵鼓湯，炒什菜，白飯﹝珍珠米﹞，茶碗蒸蛋，好豐富喔，都只係三十八蚊人民幣！

綠茶冷麵，麵條爽滑彈牙，滲出陣陣綠茶既清香，加埋秘製冷麵汁，好味！盛惠廿八蚊人民幣~~

最後最貴既網燒牛肉定食上場啦~~~九十八蚊人民幣，但食得出應該用左極品靚和牛，味道比一般牛肉濃，加埋燒汁簡直想再叫一客：

嘩~~ 埋單都只係一百六十四，竟然無收加一服務費，呢間咩日本料理黎架 --- 叫做 "名石日本料理"，廣州東站隔離個商場六樓~~

食飽之後大家拖住疲乏既身驅搭火車，一個小時多既車程，我在藍箭列車上睡著了~~~  zzzzz

返到深圳十一點左右，過埋關搭火車轉 44 亡命小巴返到屯門剛好十二點....